Futbolli shqiptar, akoma më shumë po dominon atë europian falë talenteve kuqezinj që po lindin në të gjitha kampionatet e kontinentit tone. Të gjithëve na vjen në mendje Donis Avdijaj, Bersant Celina apo Endri Çekiçi, Rey Manaj por cilët janëtalentet shqiptarë në Europë?
Albian Ajeti
Padyshim që talenti 18 vjeçar nga Kosova, është një nga xhevahirët kryesor të Baselit. Qendërsulmuesi është aktivizuar në disa ndeshje me skuadren e parë të Basel por akoma nuk ka një vend stabël. Vëllai i tij i madh Arlind Ajeti e la Zvicrën për ta përfaqësuar Shqipërinë, vendim që pritet ta marrë edhe Albiani.
Arxhend Cani
Për të nuk ka shumë informata, ai është 17 vjec dhe akoma nuk ka bërë debutimin e tij te Basel. Sulmuesi i Zvicrës U21 ka marrë pjesë para disa vitesh në një nga grumbullimet e talenteve që FSHF organizoi në Zvicër.
Bersant Celina
Talenti 18 vjecar nga Kosova u zbulua 3 vite më parë në Norvegji nga emisarët e Manchester City-t, të cilët e morën në skuadrën e tyre. Bersanti është futbollisti më i rëndësishëm i të rinjve ndërkohë që është grumbulluar disa herë me skuadrën e parë. Ai i ka ndërprerë marrdhëniet me ekipet e moshave të Norvegjisë dhe aktivizohet për momentin me Kosovën, ndërkohë babai i tij nuk e përjashton mundësinë që Celina të luajë për Shqipërinë.
Donis Avdijaj
Jo më kot ai është i pari në listë, futbollisti 18 vjecar nga Kosova ka një klauzolë prej 50 mln eurosh me klubin e Schalkes në rast transferimi. Për shkak të mungesave të hapsirave në formacion Schalke e huazoi talentin tek Sturm Graz ku po bën rolin e protagonistit në sukseset e skuadrës. Në verë pritet të rikthehet sërish te Schalke, po ashtu pritet të debutoj në kombëtaren e De Biasit.
Endri Cekici
Talenti 18-vjeçar nga Pogradeci shkëlqeu këtë pjesë të dytë të sezonit me Dinamo Zagreb ku aktivizohet dhe titullar. Mesfushori i majtë u tranferua tri vite më parë nga Teuta tek Dinamo Zagreb. Ai është një nga xhevahirët e skuadrës dhe futbollisti i preferuar i presidentit të Dinamos.
Enis Bunjaki
Talenti 17-vjeçar që luan si qendërsulmues ra nën vëmendjen e Eintraht Frankfurt që e ka kërkuar futbollistin me prejardhje nga Kosova. Sulmuesi shkëlqeu me paraqitjet e tij te Gjermania U-18. Më herët Enisi ka luajtur dhe me kombëtaren e Kosovës edhe pse vetëm 17 vjeç. Nuk përjashtohet mundësia që Enisi në të ardhmen të përfaqësojë Kombëtaren kuq e zi pasi siç mësojmë ne, babai i tij ka pasur një takim me De Biasin.
Florent Hadergjonaj
Sic mësojmë nga burime pranë federatë mbrojtësi 20 vjecar i Young Boys e refuzoi para një viti ftesën e U-21 të Shqipërisë me shkakun se pret ftesë vetëm nga De Biasi, ndërsa vazhdon të grumbullohet me U-21 e Zvicrës, futbollisti në biseda private me tifozë kuq e zinj ka deklaruar se sapo ti vij ftesa nga De Basi do ta pranojë.
Jetmir Krasniqi
Mbrojtësi 21 vjecar i Laussane dhe Zivcrës U21 pati deklaruar në një intervistë se nëse i vjen një ftesë nga kombëtarja kuq e zi ai do ta pranojë pa problem.
Labinot Kabashi
Barcelona e gjeti 15 vjeçarin para 4 viteve në Finlandë dhe e mori në gjirin e saj. Labinoti luan si mesfushor dhe është ndër të paktët talente që i kanë rezistuar filtrimeve të përvitshme të skautëve të Barcelonës që siç dihet janë nga më të mirët në planet. Labinoti akoma nuk luan me ndonjë kombëtare por nëpërmjet kontakteve me të kemi zbuluar se ai dëshiron të luaj për Shqipërinë por nga FSHF nuk ka ende asnjë lëvizje.
Qazim Laci
Talenti që sapo i ka mbushur 19 vjeç, është anëtar i Kombëtares U21 shqiptare. Mesfushori i lindur në Peshkopi akoma nuk ka debutuar me fanellën e Olympiakos por ka qenë pjesë e rezervave në disa ndeshje. Kujtojmë që ai shkëlqeu në UEFA Youth League, ku ishte futbollisti më i mirë i ekipit të tij.
Rey Manaj
Talenti 18 vjecar nga Lushnja që aktivizohet tek Cremonese kohët e fundit u përfol se u ble nga Juventus për 2mln euro, por klubi i tij e mohoi këtë gjë. Për shërbimet e tij interesohen klubet më në zë të Evropës. Qendërsulmuesi aktivizohet për kombëtaren shqiptare U-21. Ndërkohë aftësit e tij janë të jashtzakonshme, dhe do të bëhet ndër lojtarët më të mirë në Evropë për rolin e tij.
Marrë nga http://sportpress.al/
No Comment to " SPECIALE: E ardhmja e Kombëtares, ja yjet që do shihni në Kombëtare pas 2-3 vjetësh "