Taulant Xhaka nuk i frikësohet Portugalisë.
Mbrojtësi i Kombëtares shqiptare, Taulant Xhaka, është i bindur se Kombëtarja kuqezi do të nxjerr rezultat pozitiv ndaj Portugalisë, ndeshje kjo që zhvillohet të hënën mbrëma.
Madje, Xhaka beson Portugalia dhe shumë kombëtare tjera, kanë filluar t’ia kenë frikën Shqipërisë përshkak paraqitjeve të mira që po tregojnë në ndeshjet e fundit.
“Të flasësh për Portugalinë është e tepërt. Ata kanë në skuadër lojtarë të mëdhenj dhe më të mirin në botë, Cristiano Ronaldon. Por, çdo medalje ka dy anë. Ata e dinë se nuk kanë me pas të lehtë kundër nesh”, ka thënë Xhaka.
“Të jeni të sigurt që jo vetëm Portugalia, por çdo skuadër në botë, që do të luajë me Shqipërinë, nuk na nënvlerëson. Kemi arritur të fitojmë respekt me atë që kemi treguar në fushë dhe kjo nuk është pak.”, ka shtuar më tej mbrojtësi i Kombëtares, Taulant Xhaka. /Express
No Comment to " Xhaka paralajmëron Portugalinë, ja çfarë thotë për Ronaldon "