Etrit Berisha, portieri i kombëtares sonë në një intervistë për “Panorama Sport”, duket se është me laps në dorë. Sipas tij, nëse fitohet në Kopenhagen, sigurohet vendi i dytë në renditje.
“Për mua ka qenë shumë e rëndësishme dhe pozitive që kam luajtur në ndeshjet e fundit me Lacion. Gjëndjen e kombëtares e shoh të mirë, kemi bërë dy-tre seanca stërvitore, ndërsa një shumicë e lojtarëve tanë vijnë me minuta më shumë në këmbët e tyre.
Jemi mirë në anën fizike dhe kam bindjen se do t’i përballojmë si duhet ndeshjet e fundit në grup. Mungesa e Mavrajt do të ndihet, por Ajeti e ka bërë mirë detyrën e tij ndaj Francës, ashtu sikurse Xhimshiti është në formë, apo dhe Rrahmani.
Kompaktësia dhe angazhimi i gjithësecilit janë gjërat më të mira për këtë kombëtare. Ne do të shkojmë në Danimarkë për të bërë lojën tonë. Askush nuk hyn në fushë për të humbur, por për të fituar. Dhe këtë do të bëjmë edhe në Kopenhagen, sepse kështu sigurojmë vendin e dytë në renditje”.
No Comment to " Berisha, i bën "llogaritë" mirë "