Skënderbeu "shënjestron" futbollistin që do të afrojë para ndeshjes Play Off në ChampionsLeague kundër Dinamo Zagreb. Bëhet fjalë për mbrojtësin e Kombëtares Andi Lila. Mbrojtësi i krahut të djathtë ka mbetur paekip që pas falimentimit të Parmës në Itali dhe rrëzimit të saj në Serie D.
Kavajasi deri më tani ka shpresuar arritjen e akordit me ndonjë klub tjetë në Itali, por asgjë nuk ka ndodhur dhe futbollisti vazhdon të jetë i lirë. Ai duhet të bashkohet sa më shpejt me një skuadër për të kapur formën e duhur për sezonin e ri në mënyrë që të vazhdojë të jetë pjesë e Kombëtares për ndeshjet e mbetura eleminatore për "France 2016".
Duke qënë se Skënderbeu të paktën deri në dhjetor do të luajë futboll në nivele të larta duke marrë pjesë në grupet e Champions ose Europa League, Lila do të kishte mundësinë të bashkohej me një ekip shumë cilësor dhe të tregonte reklamonte veten e tij për ndonjë transferim jashtë shtetit sërish në merkaton e janarit.
Në ditët në vazhdim do të mësohet më shumë rreth tratativave të korçarëve me futbollistin kavajas. /albeu.com/
No Comment to " Andi Lila te Skenderbeu ? "