Kaçe, drejt Zvicrës
Vlera e tij dihej, por nëse ndokush kishte dyshime, paraqitja kund Francës i ka vënë “vulën”. Menaxherë të shumtë dhe drejtues klubesh nga gjithë Europa ishin në Elbasan për të parë lojtarë të kombëtares sonë dhe Kaçe ka mahnitur drejtuesit e Bazelit. Klubi zviceran ka humbur trajnerin Paulo Souza, i cili ka shkuar te Fiorentina, por portugezi mund të marrë me vete edhe Taulant Xhakën. Ndërkaq, Bazeli sapo ka punësuar trajnerin Urs Fisher, i cili ka bërë një punë mjaft të mirë sezonet e fundit te Tuni. Fisher ka ndjekur ndeshjen e Kaçes kundër Francës dhe ka kërkuar që klubi të sigurojë shërbimet e lojtarit të Paokut. Në fakt, Kaçe te Paoku është shumë i vlerësuar dhe drejtuesit nuk e lëshojnë kollaj, por në kontratën e tij ekziston një klauzolë prej 5 milionë eurosh dhe nëse Bazeli vendos ta paguajë, atëherë Paoku duhet të dorëzohet.
No Comment to " Kaçe, drejt Zvicrës "